“Fréier war alles besser”, gëtt ëmmer nees gesot, dobäi war villes gutt wat hätt kënne besser sinn a villes war schlecht, well mir et net besser woussten. Et war eben anescht!
“Glous” ass eng kabarettistesch Liesung aus enger Zäit ouni Handy a Computer, ouni Kreditkaart a Greta, dofir iewer mat Fräiheet a Gréisst. Mir si mëttes ouni Opsiicht an de Bësch gaangen an owes hu mir op der Strooss Football gespillt. A mir hunn et iwwerlieft. An der Schoul goufen et Punkten a Pouten a jiddereen huet gefëmmt.
De Roland Meyer mécht sech mat vill hannerhältegem Humouer an onerwaartem Sproochwitz op d’Sich no enger verluerener Zäit, woubäi hien net ëmmer sécher ass, ob en net just nach ee poléiert Spigelbild dovun erbléckst an ob en se och wierklech erëmfanne wëllt. An trotzdem gloust et nach an eis bannenan, an eis all.
Roland Meyer, 1963 zu Lëtzebuerg gebuer. Vu Beruff Schoulmeeschter, bestued, zwee Jongen. Hien huet d’“Theaterschoul” vum Educatiounsministère gegrënnt an 10 Joer laang geleet; schafft elo als IEBS. Hie schreift Bicher, Hörspiller, Zeitungsartikelen, Theater- a Cabaretstexter fir Kanner an och fir erwuesse Leit. Seng Bicher “Muedebëtzeg”, “Roughmix” an “Tel Mo” goufen ausgezeechent. Donieft och Musiker, Kabarettist a Regisseur. 2020 koum bei Op der Lay den Erzielband “Glous” eraus.
Réservatioun: bibliotheque@dudelange.lu / Tel: 516121-250
Wir freuen uns, Sie wieder begrüßen zu dürfen!
Unsere Veranstaltungen finden momentan unter Einhaltung strenger Sicherheits- un Hygienemaßnahmen statt. Jedem Besucher wird ein Sitzplatz zugewiesen und das Tragen einer Maske ist während Ihres gesamten Aufenthaltes obligatorisch. Unsere Veranstaltungen enden spätestens um 22h00, sodass Sie sich an die Ausgangssperre von 23h00 halten können.
Um soziale Distanzierung zu gewährleisten, wird nur eine sehr begrenzte Anzahl von Plätzen zur Verfügung stehen. Wir empfehlen Ihnen daher, Ihren Platz im Voraus zu kaufen.
