D’Tonia an d’Marguy sinn entsat iwwert d’Tatsach dass all Dag alles méi deier gëtt am Supermarché. Zesumme mat deenen anere Fraen aus dem Quartier décidéieren si selwer d‘Präisser erofzesetzen. Wann et färdeg ass bezuelen se allerdéngs iwwerhapt net a plëmmen d’ganzt Geschäft. Doheem mussen se déi geklaute Wueren virun hire Männer, dem Jang an dem Lou, déi sech streng un d’Gesetzer halen, verstoppen. Wann d’Police ufänkt d’Heiser ze durchsichen, gëtt d’Situatioun ëmmer méi kriddlech. D‘Marguy verstoppt souguer en Deel vun der gestuelener Wuer ënnert sengem Mantel a behapt héichschwanger ze sinn. A well déi zwee och d’Elektrescht an de Gas um Enn vum Mount net méi kenne bezuelen, gëtt alles ofgeschalt an si sëtzen do ouni Geliits an den Uewen geet aus....

“BEZUELT GËTT NET“ ass e Kaméidistéck an eng Farce zugläich. Den Dario FO erzielt lachendes Monds vun der schwiereger Situatioun vun de klenge Leit, hire Problemer mat de Konsumpräisser, den onsécheren Arbechtsplazen an der Wunnengsnout.

Dem Dario FO säi Stéck, 1974 geschriwwen, ass deemno méi wéi aktuell.