Organiséiert vun den Diddelenger Geschichtsfrënn an Zesummenarbescht mam CCRD opderschmelz
40 Joer nom Enn vun der Flëssegphase bei ARBED Diddeleng, den 30.11.1984, befaasst sech dem Paul Schalz seng Konferenz ëm verschidden technesch Aspekter vun der Schmelz.
Dobäi kommen ënner anerem d’Spezifizitéit vum Diddelenger a Lëtzebuerger Eisenäerz, déi Diddelenger Héichiewen an d’Wierklokomotiven zur Sprooch.
Donieft stellt de Paul Schalz deen Owent och säin neit Buch Dudeville - Usines | Geschichten iwwert eng fiktiv an eng reell Schmelz am Minett vir.
De Conferencier huet nämlech eng Modelleisebunn gebaut, déi als Haaptthema d’Eisenindustrie am Minett huet, woubäi hie sech virun allem un der Diddelenger Schmelz inspiréiert huet, ouni awer direkt eppes nozebauen.
