De Ben Claus an Eric Falchero gesi sech selwer als Stroossemuseker. Ouni Mikro, just mam Akkordeon am Grapp trëppelen si op ville Volleksfester uechter d’Land ronderëm a sangen tëscht de Leit a mat de Leit traditionell Lëtzebuerger Lidder.

Fir de Concert “opderschmelz” hunn si zesumme mat zwee “Special Guests”, dem Claude Pelzer (Tuba) a Claude Englebert (Gesank, Clown, …) e Programm op d’Been gestallt, wou nieft bekannte Stécker och méi rar Pärelen aus dem lëtzebuerger Lidderschatz interpretéiert ginn.

Erlieft en intimen Owend mat de Krunnemécken “op der Kusch”, mat Lidder fir nozedenken, ze laachen a matzesangen.

Dofir laach, drénk, sang, … an huel dir fir d’Liewen Zäit!

Laach, drénk, sang, … dat ass besser wéi all Sträit