D’Chorale St. Martin ass 1937 vum Ketty Lang an dem Kaploun Felix Schuller gegrënnt ginn. An der „Chorale des Jeunes Filles“ hunn nëmme jonk Meedercher oder onbestuete Fraen dierfe matsangen.

De 5. September 1963 ass den 1. Comité gegrënnt ginn, mam Ketty Lang als Presidentin. An d’Chorale krut och hiren éischte Fändel.

Well am Laf vun deene Joren aus deene jonke Meedercher, stänneg Damme gi sinn, ass 1986 beschloss gi „Chorale des Jeunes Filles“ ëmzebenennen, an zwar nom kierchleche Patréiner dem hellege Martinus a „Chorale St. Martin“.

Zahlreich Dirigentinnen an Dirigenten hunn Chorale iwwert all déi Jore begleet, ugefaange mam Felix Schuller an der Joffer Ketty Lang, dem d’Lucie Lang an dem Nancy Back-Kelsen, duerno dem Marcel Hinger, dem Marie-Paule Schmoetten an dem d’Josiane Fanck-Stephany.

Vun 2009 un sinn et 2 Dirigentinnen - Monique Biren-Kettel a Simone Schalz-Kirsch – déi d’Chorale leeden.

Der Chorale hier éischt Aufgab ass et d’Massen an der Kierch souwéi all Feierdeeg, wei Chrëschtdag, Ouschteren asw. mat hirem Gesang ze verschéineren.

Dënn rengen Dammechouer zielt am Moment 35 Sängerinnen.

Si prouwen all Donneschdeg am Veräinshaus zu Diddeleng a proposéierem regelméisseg Concerten.

Dëst Joer, zur Geleeënheet vum 80ten Jubiläum, luet d’Chorale a fir en extraschéine Programm mat Lidder vu gëschter bis haut, vu verschiddene Lëtzebuerger Komponisten : Lentz - Eiffes - Menager … e klassesche Repertoire vu Mozart, Strauss, Verdi, Wagner a méi poppeg Lidder vu Comedian Harmonist, Abba, Constantin Wecker, Lloyd Webber …..